სამიქაო-მაიდნის ადმინისტრაციულ ერთეულს უსაფრთხო, მოსახერხებელი და გადაადგილებისთვის კომფორტული გზა ექნება.
სოფელ სამიქაოში, ჩორგოლაშვილების უბანში დასრულდა ასფალტის საფარის დაგება.
ასფალტის საფარი უკვე დაიგო დარცმელიძეების უბანშიც.
სამიქაო-მაიდნის ადმინისტრაციულ ერთეულში, პროექტის ფარგლებში, ჯამში, ამ ეტაპზე 2,5 კმ გზა მოასფალტდა.
უახლოეს მომავალში ასფალტის საფარი დაიგება სოფელ ზანათში, ახალსოფლის უბნის N6 ქუჩაზე.
სამუშაოები რეგიონებში განსახორციელებელი პროექტების ფონდიდან ფინანსდება.
