აბაშის მუნიციპალიტეტის საკრებულოს სხდომათა დარბაზში, აბაშის მუნიციპალიტეტის გენდერული თანასწორობის საბჭოს წევრებთან გაიმართა ერთდღიანი ტრენინგი თემაზე – „მუნიციპალური გენდერული თანასწორობის საბჭოები- ფუნქციები, როლი, საქმიანობა“.
➡️ ტრენინგი ჩატარდა პროექტ „აზროვნების ფესტივალები თბილისსა და ზუგდიდში“ ფარგლებში, რომელიც დაფინანსებულია ესტონეთის ცენტრი საერთაშორისო განვითარებისთვის მიერ (ESTDEV) და ხორციელდება MTU MONDO-სთან ერთად.
➡️ ტრენინგს საერთაშორისო სამართალის ტრენერი – რუსუდან პაჭკორია უძღვებოდა.
➡️ მონაწილეებმა იმსჯელეს ქალთა მიმართ და ოჯახში ძალადობის წინააღმდეგ ბრძოლის პრევენციისა და რეაგირების მექანიზმებზე და გენდერული თანასწორობის საბჭოების საქმიანობის სამართლებრივი საფუძვლებზე, ასევე განიხილეს გენდერული თანასწორობის საბჭოების საქმიანობა და გენდერული ბიუჯეტირების საკითხები.