აბაშის მუნიციპალიტეტის მერიის მხარდაჭერით, მარნის კულტურის სახლმა აფხაზეთის ავტონომიური რესპუბლიკის პროფესიული სახელმწიფო ინტეგრირებული თეატრის „აზდაკის ბაღი“ დასს უმასპინძლა.
ინტეგრირებულმა დასმა მაყურებელს, ნოდარ დუმბაძის ნაწარმოების მიხედვით, რეჟისორ ივანე გაბრუაშვილის მიერ დადგმული სპექტაკლი „მე ვხედავ მზეს“ წარუდგინა.
საღამოს აბაშის მუნიციპალიტეტის საკრებულოს თავმჯდომარე იასონ კიზირია,მუნიციპალიტეტის მერი, გიგა გაბელაია, საკრებულოსა და მერიის წარმომადგენლები ესწრებოდნენ.
,,აზდაკის ბაღი” 15 წელია, რაც ფუნქციონირებს და სპექტაკლებში პროფესიონალებთან ერთად, შეზღუდული შესაძლებლობების მქონე მოყვარული მსახიობებიც მონაწილეობენ.
