ინფრასტრუქტურის მინისტრი რევაზ სოხაძე, სამეგრელო-ზემო სვანეთის სახელმწიფო რწმუნებულთან, დავით ვერავასთან, აბაშის მუნიციპალიტეტის მერთან გიგა გაბელაიასთან ერთად, მარნის ადმინისტრაციულ ერთეულში 50 ბავშვზე გათვლილი საბავშვო ბაღის რეაბილიტაციის სამუშაოებს გაეცნო.
შენობაში სრულად განახლდება საგანმანათლებლო, სათამაშო და დასასვენებელი ოთახები, სამზარეულო და სპორტული მოედანი. თანამედროვე სტანდარტების შესაბამისად, ბაგა-ბაღის ინფრასტრუქტურა ადაპტირებული იქნება განსაკუთრებული საჭიროებების მქონე პირებისთვის.
მინისტრთან და სახელმწიფო რწმუნებულთან ერთად სამუშაო პროცესს გაეცნენ, მუნიციპალური განვითარების ფონდის აღმასრულებელი დირექტორი ბექა ურუშაძე და აბაშის მუნიციპალიტეტის საკრებულოს თავმჯდომარე იასონ კიზირია.
