აბაშის მუნიციპალიტეტში, აზიური ფაროსანას წინააღმდეგ ბრძოლის საკოორდინაციო მართვის ცენტრში საჯარო სკოლების უფროსკლასელთათვის ინფო-ტური მოეწყ

აბაშის მუნიციპალიტეტში, აზიური ფაროსანას წინააღმდეგ ბრძოლის საკოორდინაციო მართვის ცენტრში საჯარო სკოლების უფროსკლასელთათვის ინფო-ტური მოეწყო.
სოფლის განვითარების სააგენტოს რეგიონებთან ურთიერთობის დეპარტამენტის უფროსმა, ლაშა შალამბერიძემ, აბაშელ ახალგაზრდებს ამომწურავი ინფორმაცია მიაწოდა საკოორდინაციო მართვის ცენტრის საქმიანობის შესახებ. მოსწავლეები დაესწრნენ პრეზენტაციას აზიურ ფაროსანას წინააღმდეგ ბრძოლის გზებსა და მეთოდებზე. ადგილზე დაათვალიერეს ის ტექნიკა, რისი მეშვეობითაც ხორციელდება ეს დიდი და წარმატებული პროექტი.
მოსწავლეებმა გაიარეს ინსტრუქტაჟი სოფლის განვითარების სააგენტოს ელექტრონული ბიბლიოთეკის, elibrary.mepa.gov.ge-ზე რეგისტრაციის შესახებ და მათ უკვე შეეძლებათ ინტერესის სფეროს მიხედვით გაეცნონ და ჩამოტვირთონ შესაბამისი მასალა.
შეხვედრას აზიური ფაროსანას წინააღმდეგ ბრძოლის საკოორდინაციო მართვის ცენტრში ესწრებოდნენ: აბაშის მუნიციპალიტეტის მერის პირველი მოადგილე, ირაკლი პერტენავა და სოფლის განვითარების სააგენტოს სამეგრელო-ზემო სვანეთის რეგიონალური სამსახურის აბაშის საინფორმაციო-საკონსულტაციო ცენტრის უფროსი სპეციალისტი, ლაშა სიგუა.
პროექტის მიზანია მოსწავლეების ცნობიერების ამაღლება და მათი ჩართვა სოფლის მეურნეობის სფეროში, ასევე, მოხალისეთა სამუშაო ჯგუფების შექმნა, რომლებიც დაეხმარებიან აზიური ფაროსანას წინააღმდეგ ბრძოლის საკოორდინაციო მართვის ცენტრის თანამშრომლებს მავნებლის წინააღმდეგ ბრძოლასა და მოსახლეობის მოსავლის გადარჩენაში. ამასთან ერთად, მოეწყობა გასვლითი ტურები თხილის და მოცვის პლანტაციებში.

ინფო-ტური მუნიციპალიტეტის ყველა საჯარო სკოლის უფროსკლასელთათვის ეტაპობრივად მოეწყობა

მსგავსი ინფორმაცია:
დღეს კიდევ ერთი მნიშვნელოვანი ინფრასტრუქტურული პროექტი დასრულდა
აბაშის მუნიციპალიტეტის მერი სავაჭრო ობიექტების წარმომადგენლებს შეხვდა
მერმა სამსახურებისა და განყოფილებების უფროსებთან სამუშაო შეხვედრა გამართა
აბაშის მუნიციპალიტეტში 38 კმ გზა მოასფალტდება
ქოლობნის ადმინისტრაციულ ერთეულში მერის წარმომადგენელი, ტარიელ მიქაძე წარადგინეს
შეხვედრა მიწის რეგისტრაციის რეფორმის ფარგლებში
სოფლის მხარდაჭერის პროგრამა
ზრუნვა სოფელსა და ფერმერებზე
შშმ პირთა უფლებების დაცვის 2021 წლის სამოქმედო გეგმა
აბაშის მუნიციპალიტეტის მერი, გიგა გაბელაია, ტყვირის ადმინისტრაციულ ერთეულში მოსახლეობას შეხვდა და მე...
აბაშის შემოსასვლელთან ტურიზმის საინფორმაციო ცენტრის მშენებლობა მიმდინარეობს
აბაშის მუნიციპალიტეტში ინფრასტრუქტურული სამუშაოები აქტიურად გრძელდება
აბაშის მუნიციპალიტეტის მერი გაეროს განვითარების პროგრამის ორგანიზებით გამართულ შეხვედრაში მონაწილეობ...
აბაშის მუნიციპალიტეტში, ოპტიკური ქსელის მშენებლობის მიზნით, საპროექტო სამუშაოები იწყება
გამოგვიწერეთ
გვიყურეთ
მოგვწერეთ
RSS
Skip to content