მეორე მსოფლიო ომის დასრულებიდან 76 წელი გავიდა, ფაშიზმზე გამარჯვების დღესთან დაკავშირებით აბაშის მუნიციპალიტეტის მერმა, ლევან მაკალათიამ, საკრებულოს თავმჯდომარემ, მამუკა კვიტაშვილმა, ომის, შრომისა და სამხედრო ძალების აბაშის ვეტერანთა კავშირის გამგეობის თავმჯდომარემ, ზაურ თელიამ და მერიის სამსახურების წარმომადგენლებმა 9 მაისის ობელისკი ყვავილებით შეამკეს და მეორე მსოფლიო ომში დაღუპული მეომრების ხსოვნას პატივი მიაგეს.
„ყველა ვეტერანს ვულოცავ ამ მნიშვნელოვან დღეს, მათი თავდადება, გმირობა, ერთგულება დასაფასებელია, პატივს მივაგებთ დაღუპულთა ხსოვნას, თაობები სამარადისოდ შეინახავენ მათ სახელებს, ქედს ვიხრი ჩვენი სახელოვანი ვეტერანების წინაშე,“-აღნიშნა ლევან მაკალათიამ.
საქართველოს მთავრობის განკარგულებით, ფაშიზმზე გამარჯვების 76-ე წლისთავთან დაკავშირებით, მეორე მსოფლიო ომის მონაწილეები 1000 ლარის, ხოლო მეორე მსოფლიო ომში დაღუპულთა ოჯახების წევრები 500 ლარის ოდენობის ერთჯერად სოციალურ დახმარებას მიიღებენ.
აბაშის მუნიციპალიტეტის მერიის ომის მონაწილე ვეტერანთა დახმარების პროგრამის ფარგლებში, მეორე მსოფლიო ომის მონაწილე ორ ვეტერანს დავით კაჭარავას და გერონტი გოგავას 500-500 ლარი გადაეცათ.
