ახალი კორონავირუსის პანდემიასთან ბრძოლის ფარგლებში, აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა სამეგრელო-ზემო სვანეთში, კოტე ბასარიამ და აბაშის მუნიციპალიტეტის მერმა, ლევან მაკალათიამ, აფხაზეთიდან დევნილ ბენეფიციარებს, რომლებიც განსაკუთებული რისკის ჯგუფს მიეკუთვნებიან, პირველადი მოხმარების სასურსათო პროდუქტები და სააღდგომო ნობათი გადასცეს.
აბაშის მუნიციპალიტეტში, სააღდგომო ნობათი კომპაქტურ ჩასახლებებში მცხოვრებმა 70 წელს გადაცილებულმა 29 იძულებით გადაადგილებულმა პირმა მიიღო. სოციალური აქტივობა, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს ორგანიზებით განხორციელდა.
