სამეგრელო-ზემო სვანეთის სახელმწიფო რწმუნებულის მოადგილე დავით ვერავა და აბაშის მუნიციპალიტეტის მერო ლევან მაკალათია ქოლობნისა და პირველი მაისის ადმინისტრაციულ ერთეულებში საგზაო ინფრასტრუქტურის რეაბილიტაციის დასრულებული სამუშაოები დაათვალიერეს.ქოლობნის ადმინისტრაციულ ერთეულში, სოფელ ბულვანში 2 კილომეტრამდე გზაზე ასფალტო-ბეტონის საფარი დაიგო.აღნიშნული გზა მოსახლეობას სოფლების: პ/ მაისისა და მარნის ადმინისტრაციულ ცენტრებთან აკავშირებს, ერთადერთი გზაა მოსახლეობისათვის დაუკავშირდეს თბილისი-სენაკი-ლესელიძის საერთაშორისო ავტომაგისტრალს. პროექტი რეგიონული განვითარების ფონდიდან მიმდინარე წელს 130 809 ლარით დაფინანსდა.
ასფალტო-ბეტონის საფარი დაიგო სოფელ პ/მაისში N6 და N7 ქუჩებიდან N1 ქუჩამდე, ასევე, N3 ქუჩაზე. პროექტი მიმდინარე წელს ჯამში 404 152 ლარით დაფინანსდა.
ასევე, დაათვალიერეს ქოლობნისა და ტყვირის შიდა საავტომობილო გზაზე ახლად აშენებული ხიდი, რომელიც 2017 წელს სტიქიის შედეგად დაზიანდა, ხოლო 2018 წლის 9 ნოემბერს სრულად დაინგრა. ხიდი მუნიციპალიტეტის ცენტრთან აკავშირებს გზის მიმდებარედ არსებულ 8 სოფელს. ხიდის მშენებლობა გასული წლის დეკემბერში დასრულდა. პროექტი რეგიონული განვითარების ფონდიდან დაფინანსდა.
