სამეგრელო-ზემო სვანეთის სახელმწიფო რწმუნებულის მოადგილე დავით ვერავამ, აბაშის მუნიციპალიტეტის მერის პირველ მოადგილე ირაკლი პერტენავასთან ერთად ნორიოს ადმინისტრაციულ ერთეულში, საექიმო ამბულატორიის ახალი შენობა დაათვალიერა. საექიმო ამბულატორია აბაშის მუნიციპალიტეტის 10 ადმინისტრაციულ ერთეულში აშენდა. პროექტი საქართველოს რეგიონებში განსახორციელებელი პროექტების ფონდიდან ჯამში 1 000 000 ლარით დაფინანსდა.
ხელისუფლების წარმომადგენლებმა აბაშის მზრუნველობამოკლებულთა სასადილოს შენობა დაათვალიერეს, სადაც ბენეფიციარები ახალ სივრცესა და კეთილმოწყობილ გარემოში სარგებლობენ შესაბამისი მომსახურებით.
რწმუნებულის მოადგილემ ირაკლი პერტენავასთან შეხვედრისას განიხილა მუნიციპალიტეტში მიმდინარე და დაგეგმილი ინფრასტრუქტურული პროექტები, გაეცნო სოციალურ, კულტურისა და სპორტის სფეროში არსებულ ვითარებას.
