აბაშის მუნიციპალიტეტში საგზაო ინფრასტრუქტურის მოწესრიგების სამუშაოები აქტიურად მიმდინარეობს. რეაბილიტაცია უტარდება 19 კმ-მდე გზას.
ამ ეტაპზე ინტენსიური სარეაბილიტაციო სამუშაოები მიმდინარეობს და ასფალტო-ბეტონის საფარი იგება სოფ. ნაესაკოვოში, შუა ქალაქის უბნიდან იპოდრომამდე, 3 კმ-მდე გზაზე.
სამუშაოების მიმდინარეობას აბაშის მუნიციპალიტეტის მერი, გიგა გაბელაია, მოადგილესთან, გიგა ჯვარელიასთან და ინფრასტრუქტურის და ურბანული განვითარების სამსახურის უფროსთან, იასონ კიზირიასთან ერთად გაეცნო.
პროექტის ფარგლებში გზების სარეაბილიტაციო სამუშაოები მიმდინარეობს შემდეგ ტერიტორიებზე:
• სოფელ მარნის N14 N12 ქუჩებზე
• სოფ. გაუწყინარში N1 და N5 ქუჩებზე
• სოფ. ნაესაკოვოსა და კოდორის შემაერთებელ გზაზე
• სოფ. აბაშისპირის ქუჩა N5 ქუჩაზე
• სოფ. ქოლობანში N5 (პატარა გეზათი) ქუჩაზე
• სოფელ პირველ მაისში, კუდა-ეწერში N4 გზაზე
სარეაბილიტაციო სამუშაოები რეგიონებში განსახორციელებელი პროექტების ფონდიდან 4 797 999 ლარით ფინანსდება.
