სამუშაო ჯგუფი პასუხისმგებელია გენდერული თანასწორობის საბჭოს მიერ ინიცირებული მუნიციპალური სამოქმედო გეგმის შემუშავების პროცესზე. სამუშაო პროცესი გენდერული თანასწორობის საბჭოსთან კოორდინაციით დაიგეგმა. ამ ეტაპზე მიმდინარეობს სიტუაციის ანალიზი, რომელიც გულისხმობს მუნიციპალიტეტში გენდერული თანასწორობის კუთხით არსებული ძირითადი ტენდენციების, პრობლემებისა და გამოწვევების იდენტიფიცირებას, შეფასებასა და ანალიზს.
შეხვედრაზე განხორციელდა სამაგიდე კვლევა, სტატისტიკური ინფორმაციის შეგროვება და გაანალიზება. სამუშაო ჯგუფმა შეიმუშავა სამოქმედო გეგმის ე. წ. სტრატეგიული ჩარჩო, რომელშიც წარმოდგენილია ხედვა, მიზნები და ამოცანები, გავლენისა და ამოცანების შედეგის ინდიკატორები.
დაიგეგმა სამუშაო ჯგუფის მორიგი შეხვედრა, რომელიც გაიმართება 2 დეკემბერს.
