აბაშაში უფასო სამედიცინო სკრინინგი გაიმართება

5 ივნისს, 10:00-დან 18:00 საათამდე, აბაშის მუნიციპალიტეტში, მოსახლეობისთვის გაიმართება უფასო სამედიცინო სკრინინგი.
სამედიცინო აქცია ჩატარდება აბაშის მუნიციპალიტეტის მერიის ორგანიზებითა და დაავადებათა კონტროლისა და საზოგადოებრივი ჯანმრთელობის ეროვნული ცენტრის მხარდაჭერით.
მოქალაქეებს შესაძლებლობა ექნებათ, „ნიქოზის სამედიცინო ცენტრის“ მაღალკვალიფიციური ექიმებისგან სრულიად უფასოდ მიიღონ შემდეგი მომსახურებები:
ძუძუს კიბოს სკრინინგი – 40-დან 70 წლის ჩათვლით ქალებისთვის;
საშვილოსნოს ყელის კიბოს სკრინინგი – 25-დან 60 წლის ჩათვლით ქალებისთვის;
მსხვილი ნაწლავის კიბოს სკრინინგი – 50-დან 70 წლის ჩათვლით ქალებისა და მამაკაცებისთვის;
პროსტატის კიბოს სკრინინგი – 50-დან 70 წლის ჩათვლით ასაკის მამაკაცებისთვის;
B და C ჰეპატიტების აივ ინფექციის სკრინინგი 18 წლის ზემოთ და უფროსი ასაკის პირებისთვის.
მისამართი: აბაშა, კილასონიას ქ. N4 (ყოფილი არქივის შენობა).
აქციაში მონაწილეობისა და დამატებითი ინფორმაციის მისაღებად დაუკავშირდით აბაშის მუნიციპალიტეტის საზოგადოებრივი ჯანდაცვის ცენტრს: 595 80 15 07