ძვირფასო მასწავლებლებო, გილოცავთ პროფესიულ დღესასწაულს.
ქვეყნის წარმატებას განათლების ხარისხი წარმოადგენს. თქვენ მნიშვნელოვანი წვლილი შეგაქვთ განათლებული საზოგადოების ჩამოყალიბებაში, რაც განვითარებული, დემოკრატიული და ძლიერი ქვეყნის საწინდარია. განუსაზღვრელია თქვენი როლი მომავალი თაობის აღზრდისა და განათლების საქმეში.
მასწავლებლის დღეს კიდევ ერთხელ გილოცავთ და მადლობას გიხდით მაღალი პროფესიონალიზმისა და ღვაწლისთვის, გისურვებთ ახალ წარმატებებს და არაერთი სასახელო თაობის აღზრდას!
მასწავლებლის საერთაშორისო დღე 1994 წლის 5 ოქტომბრიდან აღინიშნება. ამ დღის დაწესება მიზნად ისახავს მასწავლებლის პროფესიის მხარდაჭერასა და დაფასებას.
