ჯანდაცვის სამინისტროს, დაავადებათა კონტროლის ცენტრისა და საქართველოს სამედიცინო ჰოლდინგის ორგანიზებით ვაქცინაციის მარათონი მიმდინარეობს.
21 ოქტომბრიდან ვაქცინაციის მარათონს აბაშის მუნიციპალიტეტიც შეუერთდა. აღნიშნულ მარათონში ქვეყნის მთავარ ეპიდემიოლოგ, ხათუნა ზახაშვილთან, დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენლებთან, ნათია ქაქუთიასა და ნინო ბაბილუასთან ერთად ერთად აბაშის საზოგადოებრივი ჯანდაცვის ცენტრისა და კლინიკა „შანის“ ექიმებიც ჩაერთნენ. დაიგეგმა და განხორციელდა შეხვედრები, სადაც მოსახლეობას მიეცა შესაძლებლობა ადგილზე მიეღო პასუხები ვაქცინაციასთან დაკავშირებულ მათთვის საინტერესო კითხვებზე.
ვაქცინაციის მარათონის ფარგლებში ადგილობრივ მოსახლეობას კორონავირუსის საწინააღმდეგო ვაქცინით, ადგილზე რეგისტრაციის საფუძველზე, საოჯახო მედიცინის ცენტრ „შანის“ მობილური ჯგუფები, ამავე ცენტრის დირექტორი, ნანა შენგელია და აბაშის საზოგადოებრივი ჯანდაცვის ხელმძღვანელი, მადონა ქოიავა ემსახურებიან.
