ახალგაზრდობის სააგენტო საგრანტო კონკურსს აცხადებს

სსიპ ახალგაზრდობის სააგენტო კიდევ ერთ საგრანტო კონკურსს – ,,ახალგაზრდული ინიციატივების მხარდაჭერა“ – აცხადებს!
საგრანტო კონკურსის მიზანია საინიციატივო ჯგუფების გაძლიერება იმ პროექტების განსახორციელებლად, რომლებიც ემსახურება არაფორმალური განათლების განვითარებას, საზოგადოებრივ და დემოკრატიულ პროცესებში ახალგაზრდების მონაწილეობის ხელშეწყობას, ახალგაზრდების შესაძლებლობების განვითარებას და მათი დასაქმების ხელშეწყობას.
საგრანტო პროექტის წარმოდგენის უფლება აქვს რეგიონში მცხოვრებ:
არასამეწარმეო იურიდიულ პირს – ახალგაზრდულ ორგანიზაციას;
ფიზიკურ პირს, რომელიც საგრანტო პროექტის განხორციელების მიზნით, საინიციატივო ჯგუფში აერთიანებს რეგიონში მცხოვრებ არანაკლებ ხუთ ახალგაზრდას.
კონკურსის საერთო ბიუჯეტია 255 000 ლარი. ერთი საგრანტო პროექტის მაქსიმალური დაფინანსება შეადგენს 15 000 ლარს.
საკონკურსო განაცხადები მიიღება 8 აპრილის ჩათვლით, ელექტრონულ ფოსტაზე – grants-2@youthagency.gov.ge.

საგრანტო კონკურსში მონაწილეობის მისაღებად დეტალური ინფორმაცია იხილეთ ბმულზე

შემუშავებული წესის შესაბამისად, განაცხადთან ერთად წარმოსადგენი აუცილებელი დოკუმენტაციის ფარგლებში, განმცხადებელს მოეთხოვება მუნიციპალიტეტთან თანამშრომლობის დამადასტურებელი დოკუმენტის წარმოდგენა, რომელიც ასახავს მუნიციპალიტეტის როლს პროექტის განხორციელებაში.