აბაშის მუნიციპალიტეტის საკრებულოში ,, ქალთა მიმართ ძალადობის წინააღმდეგ 16 -დღიანი კამპანიის ფარგლებში საქართველოს პროკურატურის ორგანიზებით, ადგილობრივი თვითმმართველობისა და ზოგადსაგანმანათლებლო სფეროს წარმომადგენლებთან შეხვედრა გაიმართა.
სენაკის რაიონული პროკურატურის პროკურორმა ვახტანგ სართანიამ ქალთა მიმართ ძალადობისა და ოჯახში ძალადობის წინააღმდეგ სახელმწიფოს მკაცრი პოლიტიკის თაობაზე და პროკურატურის მიერ გატარებული რეფორმების შესახებ ისაუბრა.
კამპანიის მიზანი ქალთა მიმართ და ოჯახური ძალადობის წინააღმდეგ საზოგადოების ცნობიერების ამაღლება და ოჯახური დანაშაულების პრევენციაა.
შეხვედრას მუნიციპალიტეტის საკრებულოს თავმჯდომარე იასონ კიზირია, ფრაქცია ,,ქართული ოცნება-დემოკრატიული საქართველოს ’’თავმჯდომარე როინ კაჭარავა და საკრებულოს წარმომადგენლები ესწრებოდნენ.
