აბაშელები ანზორ ერქომაიშვილს გამოემშვიდობნენ
აბაშის მუნიციპალიტეტში 2018 წელს აღინიშნა ანსამბლ „რუსთავის“ 50 წლის იუბილე. მისი ხელმძღვანელის, ფოლკლორისტის, ხელოვნების დამსახურებული მოღვაწის, არაერთი თაობის აღმზრდელის, ანზორ ერქომაიშვილის სტუმრობა დაუვიწყარია თითოეული მსმენელისთვის.
მიმდინარე წლის თებერვალში, აბაშის მუნიციპალიტეტის მერის, ლევან მაკალათიას ინიციატივით, ანზორ ერქომაიშვილს ქართული ფოლკლორის პოპულარიზაციისა და კულტურის განვითარების საქმეში შეტანილი მნიშვნელოვანი წვლილისთვის აბაშის საპატიო მოქალაქის წოდება მიენიჭა. სამწუხაროდ, კორონავირუსის პანდემიისგან გამოწვეული სიტუაციის გამო, ვერ მოხერხდა გრანდიოზული ღონისძიების მოწყობა და მისი დაჯილდოება.
მიმდინარე წლის 3 აპრილს ოჯახის წევრებს გადაეცათ აბაშის საპატიო მოქალაქის წოდების სიმბოლიკები_ გასაღები და მედალი.
მარად ნათელი ჰქონდეს ანზორ ერქომაიშვილის სულს
