ტრენინგი მოხალისეთა ჯგუფისთვის

აბაშის მუნიციპალიტეტის მერიის საკონფერენციო დარბაზში, კორონავირუსის გავრცელების პრევენციის ღონისძიებების ფარგლებში, მერიაში შექმნილი მოხალისეთა ჯგუფისთვის გადასამზადებელი ტრენინგი ჩატარდა.
ტრენინგს ესწრებოდნენ აბაშის მუნიციპალიტეტის მერი, ლევან მაკალათია და მერის პირველი მოადგილე, ირაკლი პერტენავა.
მოხალისეებს დაავადების გავრცელების კონტროლის შესახებ ესაუბრნენ და შესაბამისი კონსულტაციები გაუწიეს, საქართველოს წითელი ჯვრის საზოგადოების, საქართველოს სკაუტური მოძრაობის სამეგრელოს ორგანიზაციის წარმომადგენლებმა.
მოხალისეები უზრუნველყოფენ ბანკებში, სასურსათო მაღაზიებში, აფთიაქებსა და სხვადასხვა სახის ობიექტზე რიგების მოწესრიგებას, გააკონტროლებენ მოქალაქეებს შორის დისტანციას. მზრუნველობამოკლებულთა სასადილოს ბენეფიციარებს კუთვნილ სადილს სახლში მიუტანენ. საჭიროების მიხედვით დაეხმარებიან მარტოხელა მოხუცებსა და სოციალურად დაუცველთა ოჯახებს.