მოქალაქეთა მიღება გაიმართა

სამეგრელო-ზემო სვანეთის სახელმწიფო რწმუნებულის გიორგი გუგუჩიას ახალი ინიციატივის შესაბამისად, დღეს მოქალაქეთა მიღება აბაშის მუნიციპალიტეტის მერიაში გაიმართა, რომელსაც სახელმწიფო რწმუნებულთან და რწმუნებულის მოადგილესთან, ნინო ვიბლიანთან ერთად, აბაშის მუნიციპალიტეტის მერი, გიგა გაბელაია ესწრებოდა.
მერიაში გამართული მოქალაქეთა მიღების დროს წამოჭრილი საკითხების უმეტესობა შეხვედრაზევე გადაიჭრა, დანარჩენი ნაწილის მოგვარება კი მაქსიმალურად შემჭიდროებულ ვადებში სხვადასხვა უწყებასთან კოორდინირებით მოხდება.
„რწმუნებულის ადმინისტრაციაში მოქალაქეებთან შეხვედრებმა, აჩვენა, რომ არის კატეგორია ადამიანების, რომელთაც სხვადასხვა მიზეზიდან გამომდინარე უჭირთ შეხვედრებზე მოსვლა, იქნება ეს მანძილი, სიშორე, თუ დროის უქონლობა და ა. შ. აქედან გამომდინარე გადავწყვიტეთ მსგავსი შეხვედრები გაგვეკეთებინა უშუალოდ მუნიციპალიტეტების მიხედვით. შეხვედრებში მონაწილეობენ მერები, საკითხის მოძიება, გარკვევა, გადაწყვეტილებების მიღება ადგილზევე ბევრად უფრო ეფექტურია და რაც მთავარია ბევრად უფრო მორგებული იქნება ჩვენს მოქალაქეებზე.“
მოქალაქეთა მიღებები პერმანენტულად სამეგრელო-ზემო სვანეთის ყველა მუნიციპალიტეტში გაიმართება.