დღეს აბაშის მუნიციპალიტეტში, კულტურისა და ხელოვნების განვითარების ცენტრის დარბაზში, სოფლის განვითარების სააგენტოს რეგიონებთან ურთიერთობის დეპარტამენტის უფროსმა, ლაშა შალამბერიძემ, თხილის წარმოების სუბსიდირების პროგრამასთან დაკავშირებით, საინფორმაციო შეხვედრა გამართა.
შეხვედრას ესწრებოდნენ: აბაშის მუნიციპალიტეტის მერის პირველი მოადგილე, ირაკლი პერტენავა, სოფლის განვითარების სააგენტოს, აბაშის მუნიციპალიტეტის, საინფორმაციო-საკონსულტაციო ცენტრის მთავარი სპეციალისტი, ლაშა სიგუა, მერიის შესაბამისი სამსახურების წარმომადგენლები, საკრებულოს წევრები, აბაშისა და მარტვილის მუნიციპალიტეტების მერის წარმომადგენლები ადმინისტრაციულ ერთეულებში, მეთხილეები და დაინტერესებული პირები.
საქართველოს მთავრობის გადაწყვეტილებით, მეთხილე ფერმერების მხარდასაჭერად, ყველა ფიზიკური პირი, რომელსაც 0,2-3 ჰექტრამდე თხილის ფართობი აქვს საკუთრებაში ან სარგებლობაში, 1 ჰექტარზე დაანგარიშებით, 500 ლარის ოდენობით დახმარებას მიიღებს. ქულები აგრობარათზე დაირიცხება.
სამი ჰექტარი ან მეტი თხილის ფართობის მქონე ფერმერები მიიღებენ შეღავათებს და შეძლებენ ისარგებლონ შეღავათიანი აგროკრედიტით საბრუნავი საშუალებებისთვის. სახელმწიფო სესხის 8%-ს დააფინანსებს
