აბაშის მუნიციპალიტეტში, ნოღოხაშის უბანში, შუბლაძის ქუჩის გასწვრივ რკინა-ბეტონის სანიაღვრე არხის რეკონსტრუქცია-მოწყობისა და შემოღობვის სამუშაოები მიმდინარეობს.
სამუშაოების მიმდინარეობას აბაშის მუნიციპალიტეტის მერი, ლევან მაკალათია, მერიის ინფრასტრუქტურის სამსახურის თანამშრომლებთან და საკრებულოს წარმომადგენლებთან ერთად გაეცნო.
სამუშაოების ჩატარების აუცილებლობა ამორტიზებულმა სანიაღვრე ქსელმა განაპირობა, გარკვეულ მონაკვეთებზე წყლის დაგუბებას იწვევდა და ძლიერი წვიმის დროს იტბორებოდა მიმდებარედ არსებული საკარმიდამო ნაკვეთები და სასაფლაო.
პროექტი რეგიონებში განსახორციელებელი პროექტების ფონდიდან ფინანსდება, სარეკონსტრუქციო სამუშაოებს შპს “TWINS თვინსი“ აწარმოებს.
პროექტი მიმდინარე წლის ივლისის ბოლოს დასრულდება
