აბაშის მუნიციპალიტეტის მერმა, გიგა გაბელაიამ, ადმინისტრაციულ ერთეულებში მერის წარმომადგენლებთან სამუშაო შეხვედრა გამართა.
სამუშაო შეხვედრაზე არსებული გამოწვევები და მათი გადაჭრის გზები განიხილეს. წარმომადგენლებმა სოფლებში არსებულ ვითარებასა და პრობლემურ საკითხებზე ისაუბრეს, რომლებიც უახლოეს დროში რეაგირებას მოითხოვს.
შეხვედრაზე ასევე ისაუბრეს მოსახლეობის მიერ შერჩეული საპროექტო წინადადებების შესახებ, რომელიც მუნიციპალიტეტის საკრებულოს წარედგინება, საკრებულოს მიერ პროექტების დამტკიცების შემდეგ სამუშაოების განსახორციელებლად მომზადდება საპროექტო-სახარჯთაღრიცხვო დოკუმენტაცია.
აბაშის მუნიციპალიტეტში „სოფლის მხარდაჭერის პროგრამის“, ფარგლებში საქართველოს რეგიონებში განსახორციელებელი პროექტების ფონდიდან 500 000 ლარი დაიხარჯება.
მოსახლეობის მიერ პრიორიტეტების შერჩევის მიზნით დასახლებების საერთო კრებები და მოსახლეობასთან კონსულტაციები 35-ვე სოფელში ჩატარდა.
