შეზღუდული შესაძლებლობის მქონე პირთა საკითხებზე მომუშავე საბჭოს 2024 წლის პირველი სხდომა გაიმართა

აბაშის მუნიციპალიტეტში, მუნიციპალიტეტის მერიის შეზღუდული შესაძლებლობის მქონე პირთა საკითხებზე მომუშავე საბჭოს 2024 წლის პირველი სხდომა გაიმართა.
სხდომას, აბაშის მუნიციპალიტეტის მერი, გიგა გაბელაია, მერიის ჯანმრთელობისა და სოციალური დაცვის სამსახურის უფროსი, მამუკა თელია, შშმ პირთა ორგანიზაცია „სიკეთის მაძიებლის“ თავმჯდომარე, ირაკლი ჭანტურია და საბჭოს სხვა წევრები ესწრებოდნენ.
სხდომაზე წარმოდგენილ იქნა დღის წესრიგით გათვალისწინებული საკითხი: აბაშის მუნიციპალიტეტის შეზღუდული შესაძლებლობის მქონე პირთა უფლებების დაცვის 2024 წლის სამოქმედო გეგმა.
„მუნიციპალიტეტის მერია მაქსიმალურ მხარდაჭერას უცხადებს შშმ პირებს შესაძლებლობების განვითარებასა და რეალიზებაში. აუცილებელია ისეთი პროექტებისა და ღონისძიებების განხორციელება, რომლებიც ხელს შეუწყობს საზოგადოებაში შშმ პირთა სრულ ინტეგრაციას”,-აღნიშნა გიგა გაბელაიამ.
ასევე, საბჭოს წევრებმა განიხილეს მუნიციპალიტეტის 2024 წლის ბიუჯეტით გათვალისწინებული მუნიციპალური სოციალური და ჯანდაცვის პროგრამები, რომელიც ითვალისწინებს შეზღუდული შესაძლებლობების მქონე პირთა მხარდაჭერას ადგილობრივ დონეზე, შშმ პირების მისაწვდომობის გარანტიების გაძლიერებას ადმინისტრაციული და სხვა ღონისძიებების გატარების საშუალებით. მნიშვნელოვანია, რომ მიმდინარე წელს აბაშის მუნიციპალიტეტში სხვადასხვა მუნიციპალური პროგრამით 260-მდე შშმ პირი ისარგებლებს.