გილოცავთ საქართველოს დამოუკიდებლობის აღდგენის დღეს, ჩვენს უმთავრეს ეროვნულ დღესასწაულს.
103 წლის წინ, 1918 წლის 26 მაისს, ასრულდა ყველა ქართველის ოცნება და ჩვენმა ქვეყანამ დამოუკიდებლობა მოიპოვა.
ამ მნიშვნელოვან დღეს ვულოცავ მთელ ქართველ ერს, განსაკუთრებით ქვეყნის მშვიდობის სადარაჯოზე მდგარ ჯარისკაცებს, ასევე ვულოცავ ემიგრანტებს, რომლებიც შორს არიან თავიანთი სამშობლოდან.
26 მაისი ეროვნულ-განმანთავისუფლებელი მოძრაობის ერთ-ერთი ლიდერის, მერაბ კოსტავას, დაბადების დღეა. პატივს მივაგებთ არამარტო მას, არამედ ყველა იმ ქართველს, რომელთაც წვლილი მიუძღვით ეროვნულ მოძრაობაში.
დღევანდელი დღე სიმბოლოა ერის მთლიანობისა და ძლიერებისა, რამეთუ თავისუფლება ყველაზე დიდი ჯილდოა თითოეული ქართველისთვის.
გილოცავთ!
ლევან მაკალათია,
აბაშის მუნიციპალიტეტის მერი
