აბაშის მუნიციპალიტეტის მერიის საკონფერენციო დარბაზში, პროექტის „ფერმერ ქალთა ეკონომიკური გაძლიერების ხელშეწყობა საქართველოში რძის ადგილობრივი წარმოების მხარდაჭერით, ფერმერთა საველე სკოლების ჩამოყალიბებით“ ფარგლებში, გაეროს ქალთა ორგანიზაციამ, სათემო ფონდი „ნეფამ“, სოფლად მცხოვრებ ქალებთან შეხვედრა გამართა.
შეხვედრაზე განიხილეს სოფლად მცხოვრები ქალების მიერ მოკვლეული საჭიროებები და მათი გადაჭრის გზები. შეხვედრას ესწრებოდნენ მერიის სხვადასხვა სამსახურის წარმომადგენლები.
სათემო ფონდი ნეფა და გაეროს ქალთა ორგანიზაცია, გაეროს სურსათისა და სოფლის მეურნეობის ორგანიზაციასთან (FAO) ერთად მუშაობს ქალთა გაძლიერების პროექტით. სათემო ფონდი პროექტით დაგეგმილ საქმიანობას მიმდინარე წელს განახორციელებს აბაშისა და სენაკის მუნიციპალიტეტების სოფლად მცხოვრებ ქალებთან, ასევე, პროექტის ფარგლებში მუშაობს ადვოკატირების კომპონენტით და მოიაზრებს სოფლად ქალთა საჭიროებებზე და გენდერული თანასწორობის ხელშეწყობისთვის მუშაობას, სოფლად მცხოვრები ქალების მონაწილეობით.
