სარემონტო სამუშაოების პროცესს აბაშის მუნიციპალიტეტის მერი, ლევან მაკალათია, მერიის ადმინისტრაციული სამსახურის უფროსთან, დიმიტრი ცანავასთან ერთად გაეცნო.
60 მოსწავლეზე გათვლილი სკოლა საერთაშორისო სტანდარტების შესაბამისად ეწყობა, ახალი ინვენტარითა და ტექნიკით აღიჭურვება, აქვს კლას-კაბინეტები, ლაბორატორია, ბიბლიოთეკა, ექიმის კაბინეტი, ცენტრალიზებული გათბობა, კომპიუტერული კლასი, ტექნიკური ოთახი, ბუფეტი-სასადილო. სკოლა სრულად ადაპტირებულია შშმ პირთათვის. სპორტული მოედანი მოწყობილია საერთაშორისო სტანდარტების შესაბამისად, გამოყენებულია ეკოლოგიურად სუფთა ინტერიერის საღებავი და მასალები.
პროექტი საქართველოს მუნიციპალური განვითარების ფონდიდან 1 112 003 ლარით ფინანსდება. სამუშაოებს ასრულებს სამშენებლო კომპანია შპს „ჯავა“.
