აბაშელი სპორტსმენი, მძლეოსანი ცოტნე რურუა საქართველოს ახალგაზრდული ოლიმპიური ფესტივალის ჩემპიონია.
საქართველოს ახალგაზრდულ ოლიმპიურ ფესტივალზე, რომელიც ბათუმში გაიმართა, სპორტსმენები სპორტის 17 სახეობაში ეჯიბრებოდნენ ერთმანეთს, აბაშელმა მძლეოსანმა ცოტნე რურუამ ბრწყინვალედ იასპარეზა და 800 მეტრზე რბენაში ჩემპიონობა მოიპოვა, რითაც ახალგაზრდული ოლიმპიური ფესტივალის ოქროს მედლის მფლობელი გახდა, მისი ეს წარმატება შრომის, მიზანდასახულობისა და სპორტისადმი სიყვარულის კიდევ ერთი ნათელი დასტურია.
ცოტნე 16 წლისაა, საქართველოს ეროვნული ჩემპიონი და სამეგრელო-ზემო სვანეთის ნაკრების წევრია.
საქართველოს ახალგაზრდული ოლიმპიური ფესტივალი მნიშვნელოვანი სპორტული ღონისძიებაა, რომელიც ხელს უწყობს ნიჭიერი სპორტსმენების აღმოჩენასა და ჯანსაღი ცხოვრების წესის პოპულარიზაციას. მსგავსი შეჯიბრებები ახალგაზრდა თაობას აძლევს საშუალებას წარმოაჩინონ საკუთარი შესაძლებლობები, მიიღონ გამოცდილება და მომავალში კიდევ უფრო დიდ სპორტულ წარმატებებს მიაღწიონ.
ვულოცავთ ცოტნეს ამ მნიშვნელოვან გამარჯვებას, ვუსურვებთ ჯანმრთელობას, ახალ გამარჯვებებსა და კიდევ უფრო დიდ წარმატებებს როგორც ეროვნულ, ისე საერთაშორისო ასპარეზზე!
გიგა გაბელაია,
აბაშის მუნიციპალიტეტის მერი
