აბაშის მუნიციპალიტეტის კულტურისა და ხელოვნების განვითარების ცენტრში გაიმართა მომღერალთა სახალხო ანსამბლ „ჰარირას“ ფოლკლორის საღამო.
ღონისძიებას ესწრებოდნენ აბაშის მუნიციპალიტეტის მერის მოადგილე გიგა ჯვარელია და საკრებულოს თავმჯდომარე იასონ კიზირია.
ფოლკლორის საღამოზე შესრულდა ქართული ხალხური სიმღერის ტრადიციული და გამორჩეული ნიმუშები, რომლებიც ნათლად წარმოაჩენენ საქართველოს მდიდარ კულტურულ მემკვიდრეობასა და ფოლკლორულ მრავალფეროვნებას.
