აბაშის მუნიციპალიტეტის მერიის განათლების, სპორტისა და ახალგაზრდულ საქმეთა სამსახურის ინიციატივით, პროექტის „ახალგაზრდა ლიდერი“ ფარგლებში, საჯარო სკოლების უფროსკლასელებისთვის სამი დღის განმავლობაში მიმდინარეობდა ტრენინგი შემდეგ თემებზე: სამოქალაქო პასუხისმგებლობა და ადგილობრივი თვითმმართველობა, პიროვნული განვითარება და ლიდერობა, პროექტების მენეჯმენტი და წერა, საჯარო გამოსვლა და პრეზენტაციის უნარები.
მოწვეულმა ტრენერებმა ვერიკო ხელისუფალმა და ეკა გვარამიამ, არაფორმალური განათლების მეთოდოლოგიით გამართეს ინტერაქციული სესიები.
პროექტის დასკვნით დღეს, რომელსაც აბაშის მუნიციპალიტეტის მერის მოადგილე, გიგა ჯვარელია და საკრებულოს თავმჯდომარე, იასონ კიზირია ესწრებოდნენ, გაიმართა ტრენინგის შემაჯამებელი ღონისძიება, სადაც მონაწილეებმა წარადგინეს მათ მიერ მომზადებული საპროექტო ინიციატივები, სხვადასხვა ნომინაციაში გამარჯვებულებს გადაეცათ სიგელები.
პროექტის მიზანია მუნიციპალიტეტში მცხოვრები ახალგაზრდების მოტივაციის ამაღლება, ლიდერული უნარების განვითარება და მათი აქტიური ჩართვა მუნიციპალიტეტის მდგრადი განვითარების პროცესებსა და არსებული პრობლემების გადაჭრაში.
