აბაშის მუნიციპალიტეტში, კეთილარის ადმინისტრაციული ერთეულის სოფელ გულეიკარში, ინფრასტრუქტურის სამინისტროს მუნიციპალური განვითარების ფონდმა, თანამედროვე სტანდარტების შესაბამისი საჯარო სკოლის მშენებლობა დაასრულა.
დასრულებული სამუშაოები ინფრასტრუქტურის მინისტრმა რევაზ სოხაძემ, სამეგრელო-ზემო სვანეთის სახელმწიფო რწმუნებულმა დავით ვერავამ, მუნიციპალური განვითარების ფონდის აღმასრულებელმა დირექტორმა ბექა ურუშაძემ, საქართველოს პარლამენტის თავმჯდომარის მოადგილემ ილია ინჯიამ, აბაშის მუნიციპალიტეტის მერმა გიგა გაბელაიამ, ადგილობრივი ხელისუფლების წარმომადგენლებთან ერთად დაათვალიერეს.
განახლებული სკოლა სრულად არის მორგებული მოსწავლეთა უსაფრთხოებასა და განვითარებაზე. პროექტი 1.3 მილიონი ლარით დაფინანსდა.
ახალი სკოლა მნიშვნელოვნად გააუმჯობესებს სოფელ გულეიკარის საგანმანათლებლო ინფრასტრუქტურას და შექმნის პირობებს, სადაც მოსწავლეები შეძლებენ თანამედროვე სტანდარტების შესაბამის გარემოში სწავლასა და განვითარებას.
