საქართველოს განათლების, მეცნიერებისა და ახალგაზრდობის მინისტრი გივი მიქანაძე აბაშის მუნიციპალიტეტის საჯარო სკოლების მოსწავლეთა მშობლებს შეხვდა და მათ ზოგადი და უმაღლესი განათლების საფეხურზე მიმდინარე რეფორების ძირითადი მიმართულებები გააცნო.
მშობლებთან გამართულ შეხვედრას სახელმწიფო რწმუნებული სამეგრელო-ზემო სვანეთის მხარეში დავით ვერავა, წალენჯიხის, ჩხოროწყუს, მარტვილისა და აბაშის მუნიციპალიტეტების დელეგატი ილია ინჯია, აბაშის მუნიციპალიტეტის მერი გიგა გაბელაია, აბაშის მუნიციპალიტეტის საკრებულოს თავმჯდომარე იასონ კიზირია და სხვა მოწვეული სტუმრები ესწრებოდნენ.
მინისტრმა, რეფორმების ეფექტიანად განხორციელების კუთხით, განსაკუთრებული ყურადღება გაამახვილა სასკოლო ცხოვრებაში მშობელთა აქტიურ ჩართულობაზე.
შეხვედრის ფარგლებში გივი მიქანაძემ განათლების სისტემაში განსახორციელებელი ინიციატივები განიხილა. საუბარი შეეხო სასწავლო რესურსების ხარისხის გაუმჯობესებას, სასკოლო ფორმას, პირველკლასელთა რეგისტრაციისა და ეროვნული გამოცდებისთვის რეგისტრაციის პროცედურებს და სახელმწიფო უნივერსიტეტებში უფასოდ სწავლის შესაძლებლობებს.
შეხვედრაზე მშობლებს შესაძლებლობა ჰქონდათ, მათთვის საინტერესო საკითხებთან დაკავშირებით მინისტრისგან მიეღოთ ამომწურავი ინფორმაცია.
მსგავსი ინფორმაცია:
17 ოქტომბერი ვეტერანის დღეა
მედალოსნების დაჯილდოება გაიმართა
საგზაო ინფრასტრუქტურული პროექტები ხორციელდება
3 დეკემბერი შეზღუდული შესაძლებლობების მქონე პირთა საერთაშორისო დღეა
უკრაინელი ხალხის დასახმარებლად ჰუმანიტარული ტვირთის შეგროვება მიმდინარეობს
აბაშის მუნიციპალიტეტში „ციფრული მხარდაჭერის პროგრამის“ განხორციელება დაიწყო
სახალხო დღესასწაული "აბაშობა-2023" აღინიშნება
სკოპინგის ანგარიშის საჯარო განხილვა
კორონავირუსის შესაძლო გავრცელების აღსაკვეთად მთელი რიგი ღონისძიებები ხორციელდება.
სოფლის მხარდაჭერის პროგრამა
გილოცავთ მასწავლებლის ეროვნულ დღეს
სტიქიის სალიკვიდაციო სამუშაოები
აბაშის მუნიციპალიტეტის მერია
