აბაშის მუნიციპალიტეტში საგზაო ინფრასტრუქტურის რეაბილიტაციის პროცესი აქტიურად გრძელდება.
ამ ეტაპზე საგვაზაო-სუჯუნის დამაკავშირებელ გზაზე უკვე დასრულებულია ასფალტის საფარის პირველი ფენის დაგება. პარალელურად, ასფალტის დაგებისთვის მოსამზადებელი სამუშაოები ინტენსიურად მიმდინარეობს სოფელ წყემში VI, VII, VIII, X, XI, XIII ქუჩებზე.
პროექტის ფარგლებში ჯამში 7 კილომეტრი გზა მოასფალტდება, რისთვისაც რეგიონებში განსახორციელებელი პროექტების ფონდიდან 1, 7 მილიონი ლარი გამოიყო.
განსაკუთრებით მნიშვნელოვანია, რომ აღნიშნულ ქუჩებზე ასფალტის საფარი აქამდე არასოდეს ყოფილა.
აბაშის მუნიციპალიტეტის მერია განაგრძობს ინფრასტრუქტურული პროექტების განხორციელებას, რათა ეტაპობრივად მოგვარდეს მოსახლეობისთვის მნიშვნელოვანი პრობლემები და შეიქმნას კიდევ უფრო უკეთესი საცხოვრებელი გარემო.
