სოფლის მხარდაჭერის პროგრამის“ ფარგლებში მოსახლეობასთან შეხვედრები გრძელდება

აბაშის მუნიციპალიტეტში „სოფლის მხარდაჭერის პროგრამით“ დასაფინანსებელი პროექტების შერჩევის მიზნით მოსახლეობასთან შეხვედრები გრძელდება.
დღეს საერთო კრებები გაიმართა მარნისა და პირველი მაისის ადმინისტრაციული ერთეულების შემავალ სოფლებში.
შეხვედრებს აბაშის მუნიციპალიტეტის მერის პირველი მოადგილე, ირაკლი პერტენავა და მერიის შესაბამისი სამსახურების წარმომადგენლები ესწრებოდნენ.
კრებებზე პრიორიტეტულ საკითხებად სასოფლო-სამეურნეო სავარგულებთან მისასვლელი გზების მოხრეშვა, სანიაღვრე არხების ამოწმენდა, სტადიონის განათება და ჭაბურღილის მოწყობა დასახელდა.
საერთო კრებები და კონსულტაციები უკვე ჩატარდა 28 სოფელში. დასაფინანსებელი პროექტების შერჩევის მიზნით მოსახლეობასთან შეხვედრები 10 მარტს დასრულდება.
აბაშის მუნიციპალიტეტის ადმინისტრაციულ ერთეულებში „სოფლის მხარდაჭერის პროგრამის“ ფარგლებში, მცირე ინფრასტრუქტურული პროექტების დასაფინანსებლად 500 000 ლარი დაიხარჯება.