დღეს აბაშის მუნიციპალიტეტის ღვთისმშობლის შობის სახელობის ტაძარში, ჭყონდიდელმა მიტროპოლიტმა სტეფანემ (კალაიჯიშვილი) სამღვდელოებასთან ერთად წირვა აღასრულა.
მრევლთან ერთად წირვას ესწრებოდნენ აბაშის მუნიციპალიტეტის მერი, ლევან მაკალათია, მერის პირველი მოადგილე, ირაკლი პერტენავა, საკრებულოს თავმჯდომარე მამუკა კვიტაშვილი, მერიისა და საკრებულოს წარმომადგენლები.
წირვის დასასრულს მეუფემ იქადაგა და ახალ სამრევლოს გაეცნო.
ლიტურგიის შემდეგ ტაძრის ეზოში მისასალმებელი ღონისძიება გაიმართა.
მრევლი სიხარულით მიეგება ახალ მღვდელმთავარს.
ღონისძიებაში მონაწილეობდნენ კულტურისა და ხელოვნების განვითარების ცენტრთან არსებული მამაკაცთა ვოკალური ჯგუფი „ჰარირა“ და პატარა დეკლამატორები.
