აბაშის მუნიციპალიტეტში, თემაზე – ,,შეზღუდული შესაძლებლობის მქონე პირები, არსებული სიტუაცია და ახალი გამოწვევები“.
შეხვედრას ესწრებოდნენ აბაშის მუნიციპალიტეტის მერის მოადგილე, გიგა ჯვარელია, მერიისა და საკრებულოს წარმომადგენლები, შშმ პირები, სპეც. მასწავლებლები, საგანმანათლებლო რესურსცენტრის, სკოლამდელი სააღმზრდელო დაწესებულებების წარმომადგენლები.
გამომსვლელებმა ისაუბრეს შშმ პირთა დამოუკიდებელი ცხოვრების ჩართულობისა და თანასწორობის უზრუნველყოფის, გადაადგილების, განათლების, დასაქმების, რესურსებზე ხელმისაწვდომობისა და სხვა ტიპის პრობლემების შესახებ და მათი მოგვარების გზებზე.
შეხვედრაზე აღინიშნა, რომ აბაშის მუნიციპალიტეტის მერიის პრიორიტეტია შშმ პირთა უფლებებისა და ინტერესების რეალიზება. აქედან გამომდინარე, მუნიციპალიტეტში არსებულ ყველა სახელმწიფო და კერძო სექტორის შენობა-ნაგებობებში დაგეგმილია სათანადო ინფრასტრუქტურის მოწყობა.
კონფერენცია აბაშის მუნიციპალიტეტის მერიის განათლების, სპორტისა და ახალგაზრდულ საქმეთა სამსახურისა და კულტურისა და ხელოვნების განვითარების ცენტრის ორგანიზებით ჩატარდა.
