აბაშის მუნიციპალიტეტის მერი, გიგა გაბელაია, საკრებულოს თავმჯდომარე იასონ კიზირიასთან და მერის მოადგილეებთან ერთად, მუნიციპალიტეტში მიმდინარე ინფრასტრუქტურულ სამუშაოებს გაეცნო.
ილიას ქუჩის დასაწყისსა და კვათანის უბანში, მთავარანგელოზის სახელობის ტაძრის მიმდებარე ტერიტორიაზე, ახალი სკვერების მოწყობის სამუშაოები მიმდინარეობს.
პროექტების ფარგლებში, დასასვენებელი სივრცეების შიდა პერიმეტრი ფილებით მოპირკეთდება, დამონტაჟდება გარე განათების სისტემა, განთავსდება ძელსკამები და მოწესრიგდება საპარკე ინფრასტრუქტურა. სკვერების ტერიტორიაზე ასევე გაშენდება დეკორატიული ნარგავები, რაც სივრცეებს კიდევ უფრო სასიამოვნო გარემოდ აქცევს.
ინფრასტრუქტურული სამუშაოები საქართველოს რეგიონებში განსახორციელებელი პროექტების ფონდის დაფინანსებით ხორციელდება.
