აბაშის მუნიციპალიტეტში წყლის რესურსების დაცვის საერთაშორისო დღესთან დაკავშირებით დასუფთავების აქცია გაიმართა.
დასუფთავების აქციაში მერიის, ააიპ კეთილმოწყობის სამსახურის თანამშრომლებმა მიიღეს მონაწილეობა.
აქციის ფარგლებში, საყოფაცხოვრებო და სხვა სახის მყარი ნარჩენებისაგან დასუფთავდა ნორიოს ადმინისტრაციულ ერთეულში მდ. აბაშის მიმდებარედ არსებული ჭაბურღილის ტერიტორია.
აქციის მიზანი გახლდათ საზოგადოების გარემოსდაცვითი ცნობიერების ამაღლება და პასუხისმგებლობის გაზრდა.
წყლის რესურსების დაცვის საერთაშორისო დღესთან დაკავშირებით „საქართველოს მწვანეთა მოძრაობა/დედამიწის მეგობრები-საქართველო“ ყოველწლიურად, 22 მარტს, კამპანია „ლურჯი ნაკადულის“ ფარგლებში მუნიციპალიტეტების ჩართულობით ახორციელებს დასუფთავების აქციებს მთელი ქვეყნის მასშტაბით.
