დღეს საქართველოში დამოუკიდებლობის აღდგენის რეფერენდუმის და საქართველოს პირველი პრეზიდენტის, ზვიად გამსახურდიას დაბადების დღე აღინიშნება

დღეს საქართველოში დამოუკიდებლობის აღდგენის რეფერენდუმის და საქართველოს პირველი პრეზიდენტის, ზვიად გამსახურდიას დაბადების დღე აღინიშნება.
ამ დღესთან დაკავშირებით, აბაშის მუნიციპალიტეტის მერმა, ლევან მაკალათიამ და საკრებულოს თავმჯდომარემ, მამუკა კვიტაშვილმა, სხვა სამსახურების წარმომადგენლებმა, საზოგადოებრივი მოძრაობა „ეროვნულების“ წევრებმა ზვიად გამსახურდიასა და მერაბ კოსტავას სახელობის მემორიალური ქვა ყვავილებით შეამკეს და პატივი მიაგეს საქართველოს პირველი პრეზიდენტის, ზვიად გამსახურდიას ხსოვნას.
კულტურისა და ხელოვნების განვითარების ცენტრთან არსებული სიმღერისა და ცეკვის ანსამბლ „ჰარირას“ მიერ შესრულდა ხალხური სიმღერა „ქართველო ხელი ხმალს იკარ“.
„ზვიად გამსახურდია თავის სულიერ ძმასთან, მერაბ კოსტავასთან ერთად, მეოცე საუკუნის 70-80-იანი წლების საქართველოში ეროვნული მოძრაობის სულისჩამდგმელი იყო, მათ ილიას გზით, მოწამეობრივი გზით იარეს და თავი სამშობლოს თავისუფლებისთვის გადადეს.
სიმბოლურია, რომ 1991 წლის 31 მარტს – 30 წლის წინ, მთელი საქართველოს მასშტაბით ჩატარდა რეფერენდუმი სადაც ქართველმა ხალხმა გამოხატა ნება, რომ აღდგენილიყო საქართველოს დამოუკიდებლობა. რეფერენდუმში მონაწილეობა მიიღო სამხრეთ ოსეთისა და აფხაზეთის ავტონომიური რესპუბლიკის მოსახლეობამაც. მონაწილეთა 99 პროცენტმა მხარი დაუჭირა საქართველოს დამოუკიდებლობის აღდგენას. ამ პროცესებში უდიდესია ზვიად გამსახურდიასა და მერაბ კოსტავას როლი. ძალიან მნიშვნელოვანია, რომ აბაშის მუნიციპალიტეტში, იქ, სადაც ახლა ეროვნული გმირების მემორიალური ქვაა, ზვიად გამსახურდიასა და მერაბ კოსტავას ძეგლები აღიმართება, მათი და ყველა იმ გმირის პატივსაცემად, ვინც თავი შესწირა და საფუძველი დაუდო დამოუკიდებელი საქართველოს ჩამოყალიბებას. აუცილებელია დაფასდეს მათი ღვაწლი და გადაეცეს მომავალ თაობებს. ჩვენი ვალია, პატივი მივაგოთ მათ ხსოვნას“,-აღნიშნა ლევან მაკალათიამ.

მსგავსი ინფორმაცია:
სასოფლო-სამეურნეო მექანიზაციის თანადაფინანსების პროგრამა იწყება
აბაშაში საგზაო ინფრასტრუქტურის მოწყობის სამუშაოები გრძელდება
დღეს აბაშის მუნიციპალიტეტში, საოჯახო მედიცინის ცენტრ „შანში“ მასობრივი ვაქცინაცია ჩატარდა
სოფლის მხარდაჭერის პროგრამა
აბაშის მუნიციპალიტეტში ფაშიზმზე გამარჯვების დღე აღინიშნა
სამუელ ცომაიას ქუჩაზე საგზაო ინფრასტრუქტურის მოწყობის სამუშაოები იწყება
11 ოქტომბერი გლოვის დღედ გამოცხადდა
აბაშის შემოსასვლელთან ტურიზმის საინფორმაციო ცენტრის მშენებლობა მიმდინარეობს
ეროვნული სამოსის დღე აბაშის მუნიციპალიტეტშიც აღინიშნა
აბაშის მუნიციპალიტეტის მერია დისტანციურ სამუშაო რეჟიმზე გადადის
2008 წლის აგვისტოს ომიდან 13 წელი გავიდა
დახმარება 0 დან 17 წლის ჩათვლით ბავშვებისთვის
ელექტრონული სერვისების დანერგვა იწყება
ხვალ, 28 დეკემბერს, პრემიერ-მინისტრის ინიციატივით საახალწლო-საშობაო ღონისძიება გაიმართება
გამოგვიწერეთ
გვიყურეთ
მოგვწერეთ
RSS
Skip to content