ეროვნული სამოსის დღეს, რომელიც მთელი ქვეყნის მასშტაბით აღინიშნება, აბაშის მუნიციპალიტეტიც შეუერთდა. ტრადიციულ სამოსში გამოწყობილმა ახალგაზრდებმა საზეიმო მსვლელობა მოაწყვეს ზვიად გამსახურდიასა და მერაბ კოსტავას სახელობის პარკში და მის მიმდებარე ტერიტორიაზე.
მერიის კულტურის, სპორტისა და ახალგაზრდობის სამსახურისა და კულტურისა და ხელოვნების განვითარების ცენტრის ორგანიზებით გამართულ მსვლელობას ქორეოგრაფიული ჯგუფის წევრები და ქორეოგრაფებიც შეუერთდნენ.
ეროვნული სამოსის დღე, საზოგადოების მიერ თვითორგანიზებული დღესასწაულია, რომელიც 2016 წელს დაწესდა და საზოგადოებრივი კამპანიის სახე მიიღო, მისი მიზანი ქართული კულტურის პოპულარიზაციაა.
