კორონავირუსის გავრცელების აღკვეთის მიზნით უწყებათაშორის საბჭოსთან არსებული სამეგრელო-ზემო სვანეთის ადგილობრივი ოპერაციული შტაბის სხდომა გაიმართა

კორონავირუსის გავრცელების აღკვეთის მიზნით უწყებათაშორის საბჭოსთან არსებული სამეგრელო-ზემო სვანეთის ადგილობრივი ოპერაციული შტაბის სხდომა გაიმართა. სხდომას სახელმწიფო რწმუნებული მალხაზ თორია ხელმძღვანელობდა და მას საბჭოს წევრები, სხვადასხვა სამხარეო სტრუქტურების წარმომადგენლები, მუნიციპალიტეტების მერები, შრომის პირობების ინსპექტირების დეპარტამენტის, დაავადებათა კონტროლისა და საზოგადოებრივი ჯანდაცვის ცენტრის წარმომადგენლები ესწრებოდნენ.

სახელმწიფო რწმუნებულმა სხდომაზე სპეციალისტებთან ერთად განიხილა რეგიონში არსებული ეპიდემიოლოგიური ვითარება, კორონავირუსის გავრცელების პრევენციისთვის ერთობლივად გასატარებელი ღონისძიებები, მოისმინა კლინიკებსა და საკარანტინე ზონებში არსებული ვითარება. შეხვედრაზე ასევე განიხილეს ვაქცინაციის მიმდინარეობის საკითხი.

ოპერაციულმა შტაბმა, ასევე განიხილა პირბადეების ტარების საკითხზე კონტროლის გამკაცრება, რაშიც პოლიციასთან და ადგილობრივ თვითმმართველობებთან ერთად ჩაერთვებიან შრომის პირობების ინსპექტირების დეპარტამენტის თანამშრომლები. ამ დროისთვის რეგიონის მასშტაბით აღინიშნება ინფიცირების შემთხვევების ოდნავი მატება, დადებითობის მაჩვენებელი გაზრდილია 1% დან 1,3%-მდე.

ამ დროისთვის რეგიონში კორონავირუსის ინფექცია 244 ადამიანს აქვს დადასტურებული, მათგან 87 რეგიონში არსებულ ხუთ კოვიდკლინიკაში მკურნალობს. დღევანდელი მონაცემებით რეგიონის მასშტაბით თვითიზოლაციაში იმყოფება 366 მოქალაქე. რეგიონში ფუნქციონირებს 3 საკარანტინე სივრცე (პალმბიჩი, პრატაპი, ანაკლია), სადაც კარანტინში იმყოფება – 110 მოქალაქე.

სამეგრელო ზემო-სვანეთის რეგიონში დღეის მდგომარეობით სულ ანტიგენის ნიმუშის აღებაზე ჩართულია 53 სამედიცინო დაწესებულება. ვაქცინაცია კი ზუგდიდის რეფერალურ ჰოსპიტალში ტარდება.

მსგავსი ინფორმაცია:
ომის ვეტერანებს გამარჯვების დღე მიულოცეს
სააღდგომო საჩუქარი აფხაზეთიდან დევნილებს
აბაშის მუნიციპალიტეტში სადეზინფექციო სამუშაოები გრძელდება
აბაშა-მარტვილის გზის 15-კმ-იან მონაკვეთზე სამუშაოები ინტენსიურად მიმდინარეობს.
აბაშაში საგზაო ინფრასტრუქტურის მოწყობის სამუშაოები გრძელდება
აბაშის მუნიციპალიტეტში სპორტის საერთაშორისო დღე აღინიშნა
ზრუნვა სოფელსა და ფერმერებზე
აბაშაში გარე განათების ქსელი მოეწყო
გილოცავთ სტუდენტობას!
სოფლის მხარდაჭერის პროგრამა
საკონსულტაციო შეხვედრები მოსახლეობასთან
"ერთი ფოტოს ისტორია - შავჩოხოსნები"
გენდერულად თანასწორუფლებიანი სოფლის მეურნეობის ხელშეწყობა
გამოგვიწერეთ
გვიყურეთ
მოგვწერეთ
RSS
Skip to content