აბაშის მუნიციპალიტეტის მერიაში აბაშელ ახალგაზრდებთან არასამთავრობო ორგანიზაცია „ჰელფინგ ჰენდ“-ის წარმომადგენლებმა საინფორმაციო შეხვედრა გამართეს

აბაშის მუნიციპალიტეტის მერიაში აბაშელ ახალგაზრდებთან არასამთავრობო ორგანიზაცია „ჰელფინგ ჰენდ“-ის წარმომადგენლებმა საინფორმაციო შეხვედრა გამართეს თემაზე: ჰიგიენა, უსაფრთხო წყალი და სანიტარია.

ახალგაზრდები გაეცნენ covid-19-ის პანდემიის წინააღმდეგ არსებულ პრევენციულ ღონისძიებებს, პანდემიის დროს პირადი დაცვის საშუალებების სწორად და მიზნობრივად გამოყენების მნიშვნელობას.

შეხვედრას ესწრებოდნენ აბაშის მუნიციპალიტეტის მერის თანაშემწე, კონსტანტინე ხარძიანი და სპეციალისტი ახალგაზრდულ საქმეთა საკითხებში, ლაშა ცომაია.

შეხვედრის დასასრულს, გაეროს ბავშვთა ფონდის ჯანმრთელობის პროგრამების ხელმძღვანელმა ნანა ფრუიძემ და „ჰელფინგ ჰენდ“-ის წარმომადგენელმა ნინო თოდუამ ახლგაზრდებს პირველადი ჰიგიენის მოხმარების სასაჩუქრე ნაკრები გადასცეს. დარიგდა საინფორმაციო ფლაერები.

არასამთავრობო ორგანიზაცია „ჰელფინგ ჰენდ“-ი მართავს საგანმანათლებლო და კულტურულ სხვადასხვა ღონისძიებას, აქტიურად ახორციელებს მოხალისეობრივ პროექტებს საქართველოს მასშტაბით.
პროექტის მხარდამჭერია გაეროს ბავშვთა ფონდი და აშშ-ის საერთაშორისო განვითარების სააგენტო.

ინიციატივის „ახალგაზრდების ჩართულობა ჰიგიენის ხელშეწყობისათვის კორონავირუსის პანდემიის წინააღმდეგ“ მიზანია ქვეყანაში ჯანსაღი ცხოვრების წესის დამკვიდრების ხელშეწყობა და პოპულარიზაცია, ასევე, პანდემიის პირობებში ჰიგიენის დაცვის განსაკუთრებული მნიშვნელობისა და სანიტარული პრაქტიკების საკითხებთან დაკავშირებით ცნობადობის ამაღლება.