აბაშის მუნიციპალიტეტში, ქოლობნის ადმინისტრაციულ ერთეულში, აგრობაზარი გაიხსნა.
თანამედროვე სტანდარტების შესაბამის სავაჭრო პავილიონში მეწარმეებსა და ადგილობრივებს შეეძლებათ უსაფრთხო, კომფორტულ გარემოში გაყიდონ სოფლის მეურნეობის პროდუქცია.
დასრულებული სამუშაოები რეგიონული განვითარებისა და ინფრასტრუქტურის მინისტრის მოადგილემ, მზია გიორგობიანმა, სახელმწიფო რწმუნებულის პირველმა მოადგილემ, ნინო ვიბლიანმა, გაეროს განვითარების პროგრამის ხელმძღვანელმა, ანა ჩენრიშოვამ და აბაშის მუნიციპალიტეტის მერმა, ლევან მაკალათიამ დაათვალიერეს.
პროექტი რეგიონული განვითარებისა და ინფრასტრუქტურის სამინისტროს, გაეროს განვითარების პროგრამის და აბაშის მუნიციპალიტეტის თანამშრომლობით განხორციელდა.
