დასუფთავების მსოფლიო დღეს საქართველო დასუფთავების სამდღიანი კამპანიით აღნიშნავს.
აბაშის მუნიციპალიტეტში დასუფთავების აქცია აღნიშნული კამპანიის ფარგლებში გაიმართა. საყოფაცხოვრებო და სხვა სახის მყარი ნარჩენებისაგან დასუფთავდა ზვიად გამსახურდიასა და მერაბ კოსტავას სახელობის პარკის მიმდებარე ტერიტორია. აქციაში მერიის თანამშრომლები მონაწილეობდნენ.
დასუფთავების საერთაშორისო დღის აღნიშვნა მიზნად ისახავს მსოფლიო მოსახლეობის ცნობიერების ამაღლებას და ნარჩენების მართვის სისტემის გაუმჯობესებას.
საერთაშორისო კამპანია 1993 წელს, გაეროს გარემოსდაცვითი პროგრამის (UNEP) ინიციატივით დაფუძნდა და მასში 133 ქვეყანაა ჩართული. 
