აბაშის მუნიციპალიტეტის სოფელ მაცხოვრისკარში, დანიელ თოფურიას სახელობის ახალი სკოლის მშენებლობა დასრულდა.
სასწავლი წლის საკლასო ოთახებში განახლების შემდეგ, მოსწავლეები ახალ სკოლაში გააგრძელებენ სწავლას, სადაც სრულიად განსხვავებული გარემო დახვდებათ. დღეიდან პედაგოგები დისტანციური სწავლების პროცესს ახალი სკოლიდან წარმართავენ.
ახლად აშენებული სკოლა აბაშის მუნიციპალიტეტის მერის მოვალეობის შემსრულებელმა, ირაკლი პერტენავამ, საკრებულოს თავმჯდომარემ, მამუკა კვიტაშვილმა და რესურსცენტრის უფროსმა, მერაბ მიგინეიშვილმა დაათვალიერეს. პედაგოგებს ახალი სასწავლო წლის დაწყება მიულოცეს და წარმატებები უსურვეს.
60 მოსწავლეზე გათვლილი სკოლა საერთაშორისო სტანდარტების შესაბამისია. აღჭურვილია ახალი ინვენტარით, სკოლაში არის ინტერნეტი, კლას-კაბინეტები, ლაბორატორია, ბიბლიოთეკა, კომპიუტერული კლასი და რესურსოთახი. დამონტაჟდა ცენტრალიზებული გათბობის, წყალმომარაგების სისტემები. შენობა ადაპტირებულია შშმ პირებზე. სკოლაში კეთილმოეწყო ეზო და ღია სპორტული მოედანი.
პროექტი საქართველოს მუნიციპალური განვითარების ფონდიდან დაფინანსდა.
