“მე დავიბადე მსოფლიოს უმცირეს და უმოკლეს მდინარის პირას, მას ჰქვია სახელად ზანა…
მე მომიხდა რამდენიმე უნივერსიტეტში სწავლა – პეტერბურგში, კჲონიგსბერგში, ლაიპციგში, მიუნხენში, პარიზში, ბოლოს – ბერლინში. ყველგან და ყოველთვის მე მიხდებოდა გაჯიბრება გერმანელებთან, ებრაელებთან, პოლონელებთან, ამერიკელებთან, ფრანგებთან…
არავის ვუმხელდი, მაგრამ ჩემს თავს ვეუბნებოდი:
“შენ, ჰეჲ, მსოფლიოს უმცირეს მდინარის პირად შობილო ბიჭო,
არ გაჯობონ დიდი მდინარეების პირად დაბადებულთა!”
დღეს ქართველი მწერლის, საზოგადო მოღვაწის, საქართველოს მეცნიერებათა აკადემიის აკადემიკოსის, შოთა რუსთაველის პრემიის ლაურეატის, კონსტანტინე გამსახურდიას დაბადების დღეა.
კონსტანტინე გამსახურდია დაიბადა 1893 წლის 15 მაისს, სოფელ ძველ აბაშაში.
კონსტანტინე გამსახურდიამ 1911 წელს დაამთავრა ქუთაისის სათავადაზნაურო გიმნაზია. სწავლობდა პეტერბურგის, კენიგსბერგის, ლაიფციგის, მიუნხენის, ბერლინის უნივერსიტეტებში. მოიპოვა ფილოსოფიის დოქტორის ხარისხი. აქტიურად მონაწილეობდა ევროპაში ჩამოყალიბებული ”საქართველოს განმათავისუფლებელი კომიტეტის” მუშაობაში. იყო საქართველოს დემოკრატიული რესპუბლიკის ბერლინის საელჩოს ატაშე.
მრავალგზის იყო რეპრესირებული საბჭოთა რეჟიმის დროს ეროვნული მოღვაწეობისათვის.
სამწერლო მოღვაწეობა დაიწყო როგორც პოეტმა და პუბლიცისტმა. პირველი ლექსი გამოაქვეყნა 1909 წ. წერდა კ. აბაშისპირელის ფსევდონიმით.
1939 წლის 31 მარტს, ქართველი მწერლის, კონსტანტინე გამსახურდიას ოჯახში დაიბადა მთარგმნელი, მწერალი, ფილოლოგი, ეროვნულ-განმათავისუფლებელი
„გახსოვდეს, ეს ცხოვრება მოსაწყენია, თუ ადამიანი არ იწევს რაიმე ზეაღმტაცი ამბებისთვის. ამის გარეშე სხვა ყველაფერი ემსგავსება იმ საცოდავ და უშინაარსო ცხოვრებას, რასაც ეწევიან ხოლმე მცენარეები და ცხოველები. თუნდაც ჩემი გამწარებული ცხოვრებაც რომ აიღო, მე რომ დიდი იდეების მოლაშქრედ არ წარმომედგინა ჩემი თავი, ვეღარ გავუძლებდი იმ ქარიშხლებს, რომელთა გადატანაც ასე თუ ისე შევძელი”_ეს სიტყვები მწერალმა თავის ვაჟს, ზვიად გამსახურდიას მისწერა, როცა იგი 16 წლის გახლდათ,
კონსტანტინე გამსახურდია გარდაიცვალა 1975 წელს. დაკრძალულია თბილისში, კოლხური კოშკის ეზოში.
