გზების სარეაბილიტაციო სამუშაოები

აბაშის მუნიციპალიტეტში გზების მასშტაბური სარეაბილიტაციო სამუშაოები მიმდინარეობს. მაიდნის ადმინისტრაციულ ერთეულში, მარტვილის მუნიციპალიტეტის საზღვრამდე, საავტომობილო გზის 4 კილომეტრამდე მონაკვეთზე ახალი ასფალტო-ბეტონის საფარი დაიგება. ამ ეტაპზე, გზის გასწვრივ სანიაღვრე არხებისა და ხიდე-ბოგირების მოწყობა მიმდინარეობს. პროექტი რეგიონული განვითარების ფონდიდან მიმდინარე წელს 375 147 ლარით ფინანსდება. ასევე, აქტიურად მიმდინარეობს სოფელ პ/მაისში N7 ქუჩიდან N1 ქუჩამდე გზის ასფალტო-ბეტონით მოწყობის სამუშაოები. პროექტი მიმდინარე წელს 105 341 ლარით დაფინანსდა.
სამუშაოებს ასრულებს შპს „არქეოპოლისი“. ინფრასტრუქტურული სამუშაოების მიმდინარეობა აბაშის მუნიციპალიტეტის მერის თანაშემწემ, ზაზა ჭანტურიამ სამშენებლო კომპანიის წარმომადგენელთან ერთად დაათვალიერა.
ინფრასტრუქტურული სამუშაოები კორონავირუსის გავრცელების პრევენციის ფარგლებში, ჯანდაცვის სამინისტროს მიერ შემუშავებული სპეციალური რეკომენდაციების შესაბამისად ხორციელდება.