მეორე მსოფლიო ომის დასრულებიდან 75 წელი გავიდა. ამ დღესთან დაკავშირებით, აბაშის მუნიციპალიტეტის მერიის წარმომადგენლები მეორე მსოფლიო ომის ვეტერანებს: ივანე არველაძეს, დავით კაჭარავას და გივი გოგავას სახლში ესტუმრნენ, ფაშიზმზე გამარჯვების დღე მიულოცეს და საჩუქრები გადასცეს. მათ საჩუქარი და მილოცვა სახელმწიფო რწმუნებულისგანაც მიიღეს.
საქართველოს მთავრობის გადაწყვეტილებით, მეორე მსოფლიო ომის ვეტერანები ფულად დახმარებას 600 ლარს მიიღებენ. აბაშის მუნიციპალიტეტის მერიის, ომის მონაწილე ვეტერანთა დახმარების პროგრამის ფარგლებში, თითოეულს 500 ლარი გადაეცა.
მეორე მსოფლიო ომში საქართველოდან 700 000 ადამიანი წავიდა, აქედან ნახევარი, უკან არ დაბრუნებულა. 1945 წლის 8 მაისს გერმანიის მიერ კაპიტულაციის გამოცხადების შემდეგ მეორე მსოფლიო ომი დასრულდა, 9 მაისი კი ფაშიზმზე გამარჯვების დღედ გამოცხადდა.
