აბაშის მუნიციპალიტეტში 7X7 ფეხბურთის სამოყვარულო ჩემპიონატის „მასტერ ლიგის“ მუნიციპალური ეტაპი დასრულდა.
ფინალური მატჩი მევლუდ მიმინოშვილის სახელობის სტადიონზე გაიმართა, ერთმანეთს ტყვირისა და მარნის გუნდები შეხვდნენ. თამაში ტყვირის გუნდის გამარჯვებით 1:0 დასრულდა. ტყვირის გუნდს ჯილდო გადასცა 7X7-ზე ფეხბურთის ასოციაციის პრეზიდენტმა აკაკი ხლაბუსტოვმა. ჩემპიონატში აბაშის ადმინისტრაციული ერთეულებიდან 13 გუნდი მონაწილეობდა.
გამარჯვებული გუნდი „მასტერ ლიგის“ რეგიონულ შეჯიბრებაში იასპარეზებს.
პანდემიის გამო სტადიონზე გულშემატკივრები არ იმყოფებოდნენ. თამაში ჯანდაცვის სამინისტროს რეკომენდაციების სრული დაცვით ჩატარდა.
„მასტერ ლიგის“ აბაშის მუნიციპალური ეტაპის ორგანიზატორია 7X7-ზე ფეხბურთის ასოციაცია, მხარდამჭერები კი, ფეხბურთის ფედერაცია, განათლების, მეცნიერების, კულტურისა და სპორტის სამინისტრო და აბაშის მუნიციპალიტეტის მერია. პროექტის მიზანი ფეხბურთის განვითარების ხელშეწყობა და ჯანსაღი ცხოვრების წესის დამკვიდრებაა.
