დღეს სამეგრელო-ზემო სვანეთის სახელმწიფო რწმუნებულის მოადგილემ ლუდუკ ხასიამ და აბაშის მუნიციპალიტეტის მერის პირველმა მოადგილემ ირაკლი პერტენავამ მერიის ინფრასტრუქტურის სამსახურის თანამშრომლებთან ერთად სოფელ კვათანის საჯარო სკოლისა და ქალაქ აბაშის პირველი საჯარო სკოლის ინფრასტრუქტურა დაათვალიერეს და ადგილზე გაეცნენ მიმდინარე სარეაბილიტაციო სამუშაოებს.
აბაშის მუნიციპალიტეტში 22 საჯარო სკოლის ინფრასტრუქტურის სარეაბილიტაციო სამუშაოები მიმდინარეობს, რომელთა დასრულების შემდეგ გაუმჯობესდება სასწავლო გარემო. პროექტი რეგიონებში განსახორციელებელი პროექტების ფონდიდან 2 091 907 ლარით ფინანსდება.
