აბაშის მუნიციპალიტეტის მერიის ორგანიზებით, მერიის სხდომათა დარბაზში, სსიპ ,,აწარმოე საქართველოში’’ სამეგრელო-ზემო სვანეთის საკონსულტაციო ცენტრის მენეჯერი ცირა მესხია, ადმინისტრაციულ ერთეულებში მერის წარმომადგენლებს და მეწარმეობით დაინტერესებულ პირებს შეხვდა.
შეხვედრაზე ყურადღება გამახვილდა ბიზნეს საკონსულტაციო ცენტრის მიერ განხორციელებულ, მიმდინარე და დაგეგმილ პროგრამებზე, განიხილეს სახელმწიფო სერვისები, ბიზნესისა და მეწარმეობის მხარდამჭერი სახელმწიფო პროგრამები და ინიციატივები.
როგორც ცირა მესხიამ შეხვედრაზე აღნიშნა, სააგენტოს „აწარმოე საქართველოში“ მიზანია ქვეყნის ეკონომიკური ზრდის ხელშეწყობა, მიკრო მეწარმეობის მხარდაჭერა, ახალი სამუშაო ადგილების შექმნა, კერძო სექტორის კონკურენტუნარიანობისა და სამეწარმეო პოტენციალის ზრდა.
შეხვედრას მერიისა და საკრებულოს წარმომადგენლები ესწრებოდნენ.
